மத்திய அரசின்  துறைகளில் வேலை வாய்ப்பு
இதை ஷேர் செய்து மற்ற நண்பருக்கு உதவவும்
வேலையின் பெயர் :  ஓட்டுனர்
Apply link ;- bit.ly/2V3Smdt

மொத்த காலிப் பணியிடங்கள் : 09

வயது வரம்பு : 18 முதல் 27 வயதிற்கு உட்பட்டு இருக்க வேண்டும். 

கல்வித் தகுதி : 10-ம் வகுப்பு தேர்ச்சியுடன் இலகுரக மற்றும் கனரக வாகன ஓட்டுநர் உரிமம் பெற்று 3 ஆண்டு பணி அனுபவம் பெற்றிருக்க வேண்டும்.

ஊதியம் : மாதம் ரூ.19,900 முதல் ரூ.63,200 வரையில்

தேர்வு முறை : ஓட்டுநர் தேர்வு மூலம் தகுதியானவர்கள் தேர்வு செய்யப்படுவர்

Apply link :- bit.ly/2V3Smdt
கடைசி நாள் : 05.06.2019
மேலும் தகவலுக்கு Click Here: bit.ly/2V3Smdt
இந்த வேலை தகவலை மற்ற வாட்ஸாப்ப் Groupkum ஷேர் பண்ணவும்
*Atleast ஒரு Whatsapp Group-க்காவது Share பண்ணுங்க*

உலகியல் ஜோதிடம்
=================
காஞ்சிபுரம்
=========

குரு வணக்கம்.

காஞ்சிபுரத்தை குறிக்கும் ராசி ரிஷப ராசியாகும்.

கடந்த சில நாட்களாக காஞ்சிபுரம் மற்றும் சுற்றுவட்டார பகுதிகளில் அதிக அளவு வாகன விபத்து அதிகரித்து வருகிறது. காரணம் ரிஷபத்திற்கு 8ல் செவ்வாய், சனி இணைவு.

தற்போது வாகனக் காரகனான சுக்கிரனின் நட்சத்திரத்தில் செவ்வாய் இருப்பதால் கடந்த சில நாட்களாக அதிக அளவில் விபத்து நடக்கிறது.

இன்னும் சில நாட்களுக்கு காஞ்சிபுரத்தில் உள்ள வாகன ஓட்டிகள் மிக கவனமாக வாகனத்தை இயக்குங்கள். அலைபேசியில் பேசிக்கொண்டு வாகனம் ஓட்டுவதை தவிர்க்கவும்.

குறிப்பாக பெண்கள் மிக கவனமாக வாகனம் ஓட்டுங்கள். வாகனத்தில் கவனம் செலுத்தி மிதமான வேகத்தில் செல்வது சாலச்சிறந்தது.

ஜோதிடர் & ஜோதிட ஆராய்ச்சியாளர்
பவளம் ஞானகணேசன்
9790132684

மழை

Thursday, April 25, 2019

மழை கால பிரசன்ன ஜோதிடம் || 28-04-19 முதல் மழை பொழியுமா?

மழை வருமா ? வராதா  இளம் வயது ஜோதிடர் சந்திரமெளலி யின் கணிப்புகள்


மிதுனம் = ராகு ( காற்று ராசி )
தனுசு = (குரு) + சனி + கேது ( நெருப்பு ராசி )
மீனம் = சுக்கிரன் ( கடல் ராசி )
ரிஷபம் = செவ்வாய் (8 ம் > பார்வை)

மழை கிரகமான சுக்கிரன் உச்சமாக இருப்பதால் மழையால் நன்மை உண்டு. நல்ல மழையும் உண்டு. காற்று ராசியில் ராகு இருப்பதால் காற்றினால் பாதிப்பு உண்டு.

பாதிப்பு கிரகங்களை குருவின் பார்வை இருப்பதால் பெரிய அளவில் பாதிப்பு இருக்காது.

எனவே மழையால் ஆறு, குளங்கள், ஏரிகளில் தண்ணீரை பார்க்கலாம். சாலைகளில் அல்ல.

நல்லதே நடக்கட்டும்.

சனி =மக்கள் கூட்டம்
கேது = எதிர்பாராத அசம்பாவிதம்
குரு = ஆன்மீகம் அறிவு சார்ந்த இடம் கோவில்

தற்போதைய கோச்சாரப்படி சுக்கிரன் உச்சமாக இருப்பதாலும் செவ்வாயின் பார்வை குரு சனி கேது இவர்களைப் பார்ப்பதாலும் மழையால் அதிக நன்மையும், ஓரளவு பாதிப்பும் உண்டு.

சந்திரமௌலி
ஜோதிட ஆராய்ச்சியாளர்

வ

ஸ்ரீ விஸ்வகர்ம வாஸ்து ஜோதிடம்.

Saturday, 12 December 2015

உலகியல் ஜோதிடத்தில் ராகு-கேதுக்களின் பங்கு/by ravisankaran

உலகியல் ஜோதிடத்தில் ராகு-கேதுக்களின் பங்கு
------------------------------------------------------------------------
ஒரு பொருளை அல்லது ஒரு உயிரை இல்லாமல் செய்துவிடுவது ராகுவின் குணமாகும். ஒரு பொருளை அனுபவிக்க விடாமல் தடை செய்வது கேதுவின் குணமாகும். ராகு -கேதுக்கள் இரண்டுமே பிரிவினை மற்றும் தடைகளை உண்டாக்கும் கிரகங்களாகும். ராகு எந்த ராசியில் சஞ்சரிக்கிறானோ , அந்த ராசியின் காரகங்களையும் ,அந்த ராசி நாதனின் காரகங்களையும் அழிப்பான். கேது எந்த ராசியில் சஞ்சரிக்கிறானோ அந்த ராசியின் காரகங்களையும், அந்த ராசி நாதனின் காரகங்களையும் தடை செய்வான். ராகு,கேதுக்களுக்கு கேந்திரத்தில் (1-4-7-10ல்) எந்த கிரகம் சஞ்சரிக்கிறதோ அந்த கிரகத்தின் காரக தன்மைகள் நிச்சயமாக பாதிப்படையும். இந்த பொது விதிகளை அடிப்படையாகக்கொண்டு நாட்டு நடப்புகளை எளிதாக கூறிவிடலாம்.
1. சிம்மம்-கும்பத்தில் ராகு,கேதுக்கள் நின்றிருக்க சிம்ம ராசிக்கு கேந்திரத்தில் (சிம்மத்திற்கு 1-4-7-10ல்) சூரியன் வரும் காலங்களில் உலகம்  முழுவதும் அரசியல் குழப்பங்கள் ஏற்படும். ஆட்சி மாற்றங்கள் ஏற்படும்.ஆட்சியாளர்களுக்கு பல விதமான பிரச்சினைகள் உண்டாகும்.
2. மேசம்-துலாத்தில் ராகு,கேதுக்கள் நின்றிருக்க (மேசத்திற்கு 1-4-7-10ல்) சூரியன் வரும் காலங்களில் உலகம்  முழுவதும் அரசியல் குழப்பங்கள் ஏற்படும். ஆட்சி மாற்றங்கள் ஏற்படும்.ஆட்சியாளர்களுக்கு பல விதமான பிரச்சினைகள் உண்டாகும்.
3.ராகு நின்ற ராசிக்கு திரிகோணத்தில் (1-5-9ல்) சூரியன் வரும் காலங்களில் அரசியல் தலைவர் ஒருவருக்கு கண்டமோ அல்லது மரணமோ ஏற்படும்.
4. கேது நின்ற ராசிக்கு திரிகோணத்தில் (1-5-9ல்) சூரியன் வரும் காலங்களில் அரசியல் கட்சிகளில் பிளவு ஏற்படும்.
5. சிம்மம்-கும்பத்தில் ராகு,கேதுக்கள் நின்றிருக்க கும்ப ராசிக்கு கேந்திரத்தில் (கும்பத்திற்கு 1-4-7-10ல்) சனி வரும் காலங்களில் விமான விபத்துகள் (வானூர்திகள்) அதிகமாக நிகழும். நிலக்கரி சுரங்கங்கள், கச்சா எண்ணெய் சுரங்களில் விபத்துக்கள் உண்டாகும். ஜென நாயக நாடுகளில் பிளவு உண்டாகும்.
6. மேசம்-துலாத்தில் ராகு,கேதுக்கள் நின்றிருக்க துலாம் ராசிக்கு கேந்திரத்தில் (துலாத்திற்கு 1-4-7-10ல்) சனி  வரும் காலங்களில் விமான விபத்துகள் (வானூர்திகள்) அதிகமாக நிகழும். நிலக்கரி சுரங்கங்கள், கச்சா எண்ணெய் சுரங்கங்களில் விபத்துக்கள் உண்டாகும். ஜென நாயக நாடுகளில் பிளவு உண்டாகும்.
7. கடகம்- மகரத்தில் ராகு,கேதுக்கள் நின்றிருக்க கடக ராசிக்கு கேந்திரத்தில் (கடகத்திற்கு 1-4-7-10ல்) சந்திரன் வரும் காலங்களில் உயர் பதவிகளில் உள்ள பெண்களுக்கு பலவிதமான பிரச்சினைகள் வரும். மன நோயாளிகளுக்கு பாதிப்பு அதிகமாக இருக்கும். மன நோயாளிகளின் எண்ணிக்கை அதிகரிக்கும்.
8. கடகம்- மகரத்தில் ராகு,கேதுக்கள் நின்றிருக்க மகர ராசிக்கு கேந்திரத்தில் (மகரத்திற்கு 1-4-7-10ல்) செவ்வாய் வரும் காலங்களில் காவல் துறை, ராணுவம், விளையாட்டு  போன்ற துறைகளில்  குழப்பங்கள் வரும். உள் நாட்டு கலவரங்கள் அதிகமாக இருக்கும்.
9. ரிசபம்-விருச்சிகத்தில் ராகு,கேதுக்கள் நின்றிருக்க ரிசப ராசிக்கு கேந்திரத்தில் (ரிசபத்திற்கு 1-4-7-10ல்) சந்திரன் வரும் காலங்களில் மன நோயாளிகளுக்கு பாதிப்பு அதிகமாக இருக்கும். மன நோயாளிகளின் எண்ணிக்கை அதிகரிக்கும்.
10. கடகம்- மகரத்தில் ராகு,கேதுக்கள் நின்றிருக்க மகர ராசிக்கு கேந்திரத்தில் (மகரத்திற்கு 1-4-7-10ல்) சனி வரும் காலங்களில் பல தொழில் நிறுவனங்கள் பிளவு படும். நாடு ,நகரங்களில் பிளவு உண்டாகும். பொது மக்களிடையே ஒற்றுமை இல்லாமல் பிரிவினை வாதம் தோன்றும்.
11. மேசம்-துலாம் ராசிகளில் ராகு,கேதுக்கள் நின்றிருக்க துலாம் ராசிக்கு கேந்திரத்தில் (துலாத்திற்கு 1-4-7-10ல்) சனி வரும் காலங்களில் ஜென நாயக நாடுகளில் பிளவு உண்டாகும்.பல தொழில் நிறுவனங்கள் பிளவு படும். நாடு ,நகரங்களில் பிளவு உண்டாகும். பொது மக்களிடையே ஒற்றுமை இல்லாமல் பிரிவினை வாதம் தோன்றும்.விமான விபத்துகள் (வானூர்திகள்) அதிகமாக நிகழும். நிலக்கரி சுரங்கங்கள், கச்சா எண்ணெய் சுரங்களில் விபத்துக்கள் உண்டாகும்.
12. மேசம்-துலாம் ராசிகளில் ராகு,கேதுக்கள் நின்றிருக்க மேச ராசிக்கு கேந்திரத்தில் (மேசத்திற்கு 1-4-7-10ல்) செவ்வாய் வரும் காலங்களில் காவல் துறை, ராணுவம், விளையாட்டு  போன்ற துறைகளில்  குழப்பங்கள் வரும். உள் நாட்டு கலவரங்கள் அதிகமாக இருக்கும்.
13. ரிசபம்-விருச்சிகத்தில் ராகு,கேதுக்கள் நின்றிருக்க விருச்சிக ராசிக்கு கேந்திரத்தில் (விருச்சிகத்திற்கு 1-4-7-10ல்) செவ்வாய் வரும் காலங்களில் காவல் துறை, ராணுவம், விளையாட்டு  போன்ற துறைகளில்  குழப்பங்கள் வரும். உள் நாட்டு கலவரங்கள் அதிகமாக இருக்கும்
14. .மேசம்-துலாம் ராசிகளில் ராகு,கேதுக்கள் நின்றிருக்க துலாம் ராசிக்கு கேந்திரத்தில் (துலாத்திற்கு 1-4-7-10ல்) சுக்கிரன் வரும் காலங்களில் நிதி நிறுவனங்களுக்கு பிரச்சினைகள் உண்டாகும். கலைத்துறையினருக்கு பிரச்சினைகள் உண்டாகும்.
15. ரிசபம்-விருச்சிகத்தில் ராகு,கேதுக்கள் நின்றிருக்க ரிசப ராசிக்கு கேந்திரத்தில் (ரிசபத்திற்கு 1-4-7-10ல்) சுக்கிரன் வரும் காலங்களில் நிதி நிறுவனங்களுக்கு பிரச்சினைகள் உண்டாகும். கலைத்துறையினருக்கு பிரச்சினைகள் உண்டாகும்.
16. கன்னி-மீனத்தில்  ராகு,கேதுக்கள் நின்றிருக்க மீன ராசிக்கு கேந்திரத்தில் (மீனத்திற்கு 1-4-7-10ல்) சுக்கிரன் வரும் காலங்களில் நிதி நிறுவனங்களுக்கு பிரச்சினைகள் உண்டாகும். கலைத்துறையினருக்கு பிரச்சினைகள் உண்டாகும்.
17.  கன்னி-மீனத்தில்  ராகு,கேதுக்கள் நின்றிருக்க மீன ராசிக்கு கேந்திரத்தில் (மீனத்திற்கு 1-4-7-10ல்) குரு வரும் காலங்களில் மதம் சம்பந்தமான சர்ச்சைகள் உருவாகும், மதங்களில் பிளவு உண்டாகும். மத வாதிகளிடையே கருத்து வேற்றுமை உண்டாகும்.
18. மிதுனம்-தனுசு ராசிகளில்  ராகு,கேதுக்கள் நின்றிருக்க தனுசு ராசிக்கு கேந்திரத்தில் (தனுசு ராசிக்கு 1-4-7-10ல்) குரு வரும் காலங்களில் மதம் சம்பந்தமான சர்ச்சைகள் உருவாகும், மதங்களில் பிளவு உண்டாகும். மத வாதிகளிடையே கருத்து வேற்றுமை உண்டாகும்.
19. கடகம்-மகரத்தில்  ராகு,கேதுக்கள் நின்றிருக்க கடக ராசிக்கு கேந்திரத்தில் (கடகத்திற்கு 1-4-7-10ல்) குரு வரும் காலங்களில் மதம் சம்பந்தமான சர்ச்சைகள் உருவாகும், மதங்களில் பிளவு உண்டாகும். மத வாதிகளிடையே கருத்து வேற்றுமை உண்டாகும்.
20. கன்னி-மீனத்தில்  ராகு,கேதுக்கள் நின்றிருக்க கன்னி ராசிக்கு கேந்திரத்தில் (கன்னிக்கு 1-4-7-10ல்) புதன் வரும் காலங்களில் கல்வித்துறைக்கு பல சோதனைகள் வரும். கல்வி நிறுவனங்கள் மூடப்படும். பல வர்த்தக நிறுவனங்கள் செயலிழக்கும். ஆசிரியர்களுக்கும் மாணவர்களுக்கும் சோதனையான காலம்.
21. மிதுனம்-தனுசு ராசிகளில்  ராகு,கேதுக்கள் நின்றிருக்க மிதுன ராசிக்கு கேந்திரத்தில் (மிதுன ராசிக்கு 1-4-7-10ல்) புதன் வரும் காலங்களில் கல்வித்துறைக்கு பல சோதனைகள் வரும். கல்வி நிறுவனங்கள் மூடப்படும். பல வர்த்தக நிறுவனங்கள் செயலிழக்கும். ஆசிரியர்களுக்கும் மாணவர்களுக்கும் சோதனையான காலம்.

Powered by Blogger.

சந்தான சப்தமி

நாம் பல பண்டிகைகளையும் விஷேச தினங்களையும் கொண்டாடியும் அனுசரித்தும் வருகிறோம். அதை எதற்காக செய்கிறோம் என பொருளணர்ந்து செய்தால் மகிழ்ச்சி இரட்டிப்பாகும். ரதஸப்தமி பற்றி நாம் அறிவோம். சந்தான ஸப்தமி பற்றி தெரியுமா உங்களுக்கு? சந்தான ஸப்தமி எதற்காக கொண்டாடி வருகிறோம் என அறிந்தால் நம் முன்னோர்களின் தீர்க்க தரிசனத்தையும் அறிவையும் கண்டு வியக்காமல் இருக்க முடியாது.
ஒவ்வொரு தினத்துக்கும் ஒவ்வொரு சிறப்பு உண்டு. பங்குனி மாதத்தில் வளர்பிறை எனும் சுக்ல பக்‌ஷத்தில் வரும் ஸப்தமி திதியை 'சந்தான ஸ்ப்தமி' என்றும் கூறுவர்.  மேலும் வெள்ளிக்கிழமையும் சேர்ந்து வந்தால் அதனை கமல ஸப்தமி என்றும் புரானங்களில் போற்றப்படுகிறது.

உலகத்தின் உயிராகச் சூரியதேவன் விளங்குகிறார். வேதகாலம் முதலே சூரியனைப் பற்றிய குறிப்புகள் இடம் பெற்றுள்ளன. ரிக்வேதம் சூரியனை மூன்றுவித அக்னியில் ஒன்றாக விவரிக்கிறது. யஜுர்வேதம் சகல உலகங்களையும் ஒளிபெறச் செய்பவன் என்று போற்றுகிறது. அதர்வண வேதம் சூரியனை வழிபட்டவர்கள் இதயநோயிலிருந்து விடுபடுவர் என்று வழிகாட்டுகிறது. மிகப்பழங்காலத்தில் சூரியவழிபாடு வடமாநிலங்களில் பரவி இருந்த காலத்தில் வன்முறை வழிபாடாக சூரியனுக்கு ரத்தத்தை அர்க்கியமாக(கைகளில் வார்த்து சூரியனுக்குச் சமர்ப்பித்தல்) இருந்து வந்தது தெரிகிறது.
பார்வையருளும் கமல ஸப்தமி
கண்களை தாமரை மலரோடு ஒப்பிடுவர். தாமரை மலர சூரியனின் வெளிச்சம் அவசியம். அதேபோல கிராமங்களில் குழந்தைகளை காலை சூரிய வெளிச்சத்தில் கண்களின் மீது சூரிய வெளிச்சம் படுமாறு வைத்திருப்பார்கள். ஜோதிடத்தில் சூரியன் வலது கண்ணுக்கும் சந்திரன் இடது கண்ணுக்கும் காரக கிரகங்களாக அமைந்துள்ளனர். இரண்டாம் வீடு வலக்கண்ணையும் பன்னிரெண்டாம் வீடு இடக்கண்ணையும் குறிக்கும் பாவங்களாகும். இரண்டாம் இடத்திலும் - பன்னிரெண்டாம் இடத்திலும் பாவ கிரகங்கள் இருந்து இந்த இடத்து பலமில்லாமல் இருந்து சூரியனும் சந்திரனும் பாதிக்கபட்டு இருந்தாலும் அந்த ஜாதகனுக்கோ அல்லது ஜாதகிக்கோ கண் சம்பந்தமான குறைபாடுகள் உண்டாகும்

சூரியன் லக்னத்தில் அமைவது கண்களை பாதிக்கும் என்கிறது மருத்துவ ஜோதிடம். சூரியன் மேஷ லக்னத்தில் உச்சம் பெற்று இருந்தால் கண்களில் எரிச்சல் ஏற்படும். மேஷம் செவ்வாயின் வீடு என்பதால் கண்களில் உஷ்ணத்தால் ஏற்படும் எரிச்சல் ஏற்படும். சூரியன் சிம்ம லக்னத்தில் ஆட்சி பெற்று இருந்தால் மாலைக்கண் நோய் ஏற்படும். சூரியன் கடகத்தில் லக்னத்தில் இருந்தால் கண்களில் பீளையும் நீரும் வடியும். மேலும் கண் புரை நோய் ஏற்படும்.
சூரியன் துலா லக்னத்தில் நீசம் பெற்றிருந்தால் பார்வையிழப்பு ஏற்படும். சூரியன் இரண்டாம் வீட்டில் நிற்பது, இரண்டாம் வீட்டில் இரண்டிற்கு மேற்பட்ட அசுப கிரகங்கள் நிற்பது, அசுப தொடர்பு பெற்ற சந்திரன் இரண்டாம் வீட்டில் நிற்பது போன்றவை பார்வை இழப்பை ஏற்படுத்தும். .சூரியனும் சந்திரனும் இணைந்து இரண்டாமிடத்தில் நிற்பது மாலைகண் நோயை ஏற்படுத்தும்.

இதுபோன்ற ஜாதக அமைப்பு உடையவர்கள் கமல ஸப்தமியில் சூரிய பகவானை வணங்கி வர பார்வை கோளாருகள் நீங்கும். பார்வை கோளாரை போக்கும் லென்ஸ் எனும் கண்ணாடியின் காரகர் சுக்கிரன் என்பதும் வெள்ளிக்கிழமையோடு வருவது கமல ஸப்தமி என்பது குறிப்பிடத்தக்கது.
மேலும் சூரியனை ராஜ கிரஹமாக வேதம் போற்றுகிறது. கமல ஸப்தமி விரதம் இருப்பவர்களுக்கு செல்வ செழிப்பு ஏற்படுவதோடு ராஜ வாழ்க்கை கிட்டும் என்பது நம்பிக்கை.
ஜோதிடத்தில் புத்திர பாவகமும் புத்திர தோஷமும்
"ஸீக்ரமேவ ஸத்புத்ர பாக்ய ப்ராப்தி ரஸ்து" என ஒரு திருமணமான பெண்னை வாழ்த்தும்போது அவள் அளவிடமுடியாத மகிழ்ச்சி அடைவாள். திருமணத்திற்கு பின்பு சில பெண்களுக்கு பத்தாவது மாதத்திலேயே இந்த பாக்கியம் கிடைத்து விடுகிறது. ஒரு சிலருக்கு ஒரு வருடமோ, இரண்டு வருடமோ தள்ளி குழந்தை யோகம் அமைகிறது. இன்னும் சிலருக்கு 8, 10 வருடங்கள் கழித்துதான் குழந்தைபேறு கிடைக்கிறது. சிலருக்கு குழந்தை பாக்கியம் இல்லாத நிலையும் ஏற்பட்டு விடுகிறது.

ஜாதகத்தில் ஐந்தாம் பாவம் அல்லது ஐந்தாம் வீடு புத்திர ப்ராப்தியை குறிக்கும் இடமாகும். குழந்தை, பாட்டன். வம்சா வழி அத்துனையும். பாட்டிகள். பூர்வ புண்யம். மனம். எண்ணம். காதல். சந்தோஷம். அதிர்ஷ்டம். யோகம். போட்டி. இஷ்ட தெய்வம். சிற்றின்பம். மந்திர உச்சாடனம். உபாசனை (இஷ்ட தெய்வம்) கற்பழிப்பு. வழிபாடு. திருவிழாக் கோலங்கள். மனதிருப்தி ஆகிய பாவ காரகங்களை தன்னகத்தே கொண்டது ஐந்தாம் பாவமாகும். எனவேதான் இதனை திரிகோண ஸ்தானங்களில் ஒன்றாகவும் லக்ஷமி ஸ்தானம் எனவும் கூறப்படுகிறது
குரு புத்திரகாரகன். ஜாதகத்தில் குரு கெடாமல் இருந்தால், குரு புத்திர ஸ்தானத்தையோ, புத்திர ஸ்தானாதிபதியையோ பார்த்தால் அவர்களுக்கு நிச்சயம் குழந்தைப்பேறு இருக்கும். குரு புத்திரஸ்தானத்தில் இருந்தாலும் குழந்தைப் பேறு இருக்கும் என்று சில ஜோதிட சாஸ்திரம் கூறுகிறது. சில லக்கினக்காரார்களுக்கு குரு பாவியாவதால் அவர் புத்திரஸ்தானத்தில் நிற்பதை நன்மை என்று அப்படியே ஏற்றுக்கொள்ள இயலாது. ஒரு ஜாதகத்தில் குரு 6/8/12. அல்லது பாவராக அமைந்தாலும் அவர் புத்திர ஸ்தானமான ஐந்தாம் வீட்டில் நிற்க கூடாது. அவ்வாறு நின்றால் காரஹோ பாவ நாஸ்தியையும் தந்து மேலும் புத்திர தோஷத்தை அதிகமாக்கிவிடும்.

சிலருக்கு திருமணமான புதிதில் குழந்தை இருந்து பிறகு ஏதோ காரணத்தால் குழந்தையை பிரிந்தவர்களுக்கெல்லாம் இந்த அமைப்பு இருக்கும். மொத்ததில் புத்திரஸ்தானத்தில் அவர் நிற்பதைவிட புத்திர ஸ்தானத்தையோ, புத்திர ஸ்தானாதிபதியையோ பார்ப்பதே சிறந்த நிலையாகும். ஜாதகத்தில் முக்கியமாக கவனிக்கப்பட வேண்டியவை ஜாதக கட்டம் ஒவ்வொன்றிற்கும் ஒரு ஆதிபத்யம் உள்ளது. அந்த வகையில் ஐந்தாம் இடம், குழந்தை பாக்கியத்தைக் குறிக்கும். அந்த வீட்டின் அதிபதியும் மிக முக்கியம்.
ஒரு பெண்ணின் ஜாதகத்தில் ஐந்தாம் இடத்தையும், ஒன்பதாம் இடத்தோடு, நான்காம் வீட்டையும் பார்க்க வேண்டும். இந்த 4, 5, 9 ஆகிய வீடுகள் (ராசிகள்) பலம் பெற்றும் அந்த வீட்டிற்குடைய கிரகங்கள் நீச்சம் அடையாமலும் 6, 8, 12ல் மறையாமலும் இருப்பது அவசியமாகும். நீச்ச கிரகத்துடன் சேராமல் இருப்பது மிக முக்கியமாகும்.
ஆண், பெண் இருவரின் ஜாதகங்களில் குரு, செவ்வாய், சுக்கிரனின் பங்களிப்பு மிகவும் முக்கியமாகும். குருவிற்கு புத்திர பாக்யம் தருவதில் மிக முக்கிய பங்கு உண்டு. ஏனென்றால் குரு புத்திரகாரகன் ஆவார். அதாவது புத்திர யோகத்தை தரக்கூடிய அதிகாரம் பெற்றவர். செவ்வாய் அருளால்தான் தாம்பத்யத்தில் முழுமையாக ஈடுபட முடியும்.
பெண்களின் மாதவிடாய் பிரச்னைகளுக்கு காரணமாக இருப்பவர் இவர். பெண்கள் பூப்பெய்துவதற்கும் இவரே முக்கிய காரணம். ரத்த சம்பந்தமான நோய்கள் இவர் மூலம் உண்டாகும். சுக்கிரன், சிற்றின்பத்தில் நாட்டம் கொள்ளச் செய்பவர். திகட்டாத தாம்பத்யத்தையும் ஈர்ப்பு சக்தியையும் தரக்கூடியவர் ஆண்களின் சுக்கிலத்திற்கும் பெண்களின் சுரோணிதத்திற்கும் இவரே காரண கர்த்தா. ஒரு தம்பதியின் ஜாதகங்களில் இந்த மூன்று கிரகங்கள் நல்ல வலிமையுடன் ஆட்சி, உச்சம், கேந்திரம், திரிகோணம் பெற்று நல்ல அம்சத்தில் இருந்தால் விரும்பிய புத்திர யோகம் தானாக கூடிவரும்.
ஜாதகத்தில் 1-5-9க்குடைய கிரஹங்கள் அசுபத்தொடர்பு பெறாமல் இருப்பது மற்றும் கால புருஷனுக்கு 1-5-9 க்குடைய சூரியன், செவ்வாய், குரு ஆகிய கிரஹங்கள் நல்ல நிலையில் இருப்பது புத்திர பாக்கியத்தை தடையில்லாமல் தரும் அமைப்பாகும். புத்திர பாக்ய தடை ஏற்படுத்தும் அமைப்புகள் ஆண், பெண் இருவரின் ஜாதகங்களிலும் ஏதாவது குறை இருந்தால்தான் குழந்தை பாக்யம் தடைபடும். இருவரில் ஒருவருக்கு பலம் இருந்தால் தடைகள் நீங்க வாய்ப்புண்டு.

லக்னத்திற்கு ஐந்தாம் இடம் புத்திரபாக்யம் தரும் இடம். ஐந்தாம் அதிபதி புத்திர ஸ்தானாதிபதியாவர். இந்த இரண்டும் பலமாக இருப்பது அவசியம். ஐந்தாம் இடத்தில் ராகு-கேது இருந்தால் புத்திரதோஷம். நீச்சக் கிரகம் இருந்தால் புத்திர தடை.
கால புருஷனுக்கு ஐந்தாம் வீடான சிம்ம ராசியில் அசுப கிரகங்கள் இருப்பது, சூரியன் ஸர்ப கிரகங்களின் பிடியில் இருப்பது, சூரியனும் சுக்கிரனும் நெருங்கிய பாகையில் நிற்பது போன்றவை புத்திரபேறை தாமதப்படுத்தும் அமைப்பாகும்.
ஐந்தாம் வீட்டோடு 6, 8, 12ம் அதிபதிகள் தொடர்பு கொண்டு இருந்தால் கருச்சிதைவு. ஐந்தாம் அதிபதி நீச்சம் அடைந்தால் புத்திர தோஷம். ஐந்தாம் அதிபதி ராகு-கேதுவுடன் சேர்ந்தால் புத்திரத்தடை. ஐந்தாம் அதிபதி நீச்சக் கிரகத்துடன் சேர்ந்தால் புத்திரதோஷம். ஐந்தாம் அதிபதியும் குருவும் பலவீனமடைந்தால் புத்திர தடை. ஐந்தாம் இடத்தில் குரு இருந்தால் காரஹோ பாவ நாஸ்தியை தந்து தாமதமாக குழந்தை பிறக்கும். குரு புதன் வீடான மிதுனம், கன்னியில் இருந்தால் தாமத புத்திர பாக்கியம். ஐந்தாம் இடத்தில் சூரியன் இருந்து செவ்வாய் பார்த்தால் கருச்சிதைவு. ஐந்தாம் இடத்தை ரிஷபம், கடகம், துலாம் ஆகி சுக்கிரன், சந்திரன் பார்த்தால் பெண் குழந்தைகள் அதிகம் பிறக்கும்.
ஆண் ஜாதகத்தில் விருச்சிக ராசியில் சூரியன், சுக்கிரன் சேர்ந்து இருந்தால் புத்திர தடை. ஐந்தாம் அதிபதியும்-ராகுவும் சேர்ந்து 6, 8, 12ல் இருந்தால் தத்து புத்திரயோகம். ஆண்கள் ஜாதகத்தில் நபும்ஸ கிரகங்கள் என்று சொல்லப்படும் அலித்தன்மையுடைய கிரகங்களான புதனும், சனியும் சேர்ந்து லக்னம், மூன்று, ஏழு ஆகிய இடங்களில் இருந்தாலும், பார்த்தாலும் விந்தணு குறைபாடுகள், வீரியக் குறைவு ஏற்படும். இதனால் குழந்தை பாக்கியதடை ஏற்படலாம். அல்லது அங்கம் குறை உள்ள குழந்தை பிறக்கும்.
ஜாதகத்தில் மிதுனம் மற்றும் கன்னியை ஐந்து மற்றும் ஒன்பதாம் பாவமாக பெற்றவர்களுக்கு மலட்டு தன்மையால் குழந்தைபேறு தாமதமாகும்.
குழந்தை பிராப்தம் கிடைக்கும் காலம் எல்லா கிரக அம்சங்கள், யோகம், பிராப்தம் இருந்தாலும் அதை அனுபவிக்கக்கூடிய நேரம், காலம் வரவேண்டும். குழந்தை யோகமும் அப்படித்தான். கணவன், மனைவி இருவருக்கோ அல்லது ஒருவருக்கோ லக்னாதிபதி, நான்காம் அதிபதி, ஐந்தாம் அதிபதி, ஒன்பதாம் அதிபதி ஆகியோரின் தசாபுக்தி, அந்தரங்களில் குழந்தை பாக்கியம் கூடி வரும். ராகு-கேது திசைகளில் யோகாதிபதிகளின் புக்தியில் சந்ததி விருத்தி ஏற்படும். மற்ற தசாபுக்திகளில் தடைகள், கர்ப்பச்சிதைவு ஏற்பட்டால் உரிய பரிகார தலங்களுக்கு செல்வதன் மூலம் சத்புத்திர யோகம் கிடைக்கும்.

சந்தான பாக்கியம் தரும் சந்தான சப்தமி
சூரியனை ஆத்ம காரகன் என்று பாரம்பரிய ஜோதிட நூல்கள் போற்றுகின்றன. மேலும் ஒரு அன்மா உருவாக சூரியனின் நிலை முக்கியமானதாகும். மேலும் ஒருவருடைய சுக்கிலத்தில் உயிரணு வளரவும் பல்கி பெருகவும் சூரினின் வெப்பம் மிகவும் இன்றியமையாததாகும். எனவே எந்த காரணங்களால் புத்திர தோஷம் ஏற்பட்டாலும் சந்தான ஸப்தமியில் சூரியபகவானை வணங்குவது புத்திர தோஷம் நீங்கி சத்புத்திரம் எனப்படும் குழந்தை பாக்கியம் ஏற்படும் என்பது நிதர்சனம்!

யோகம்

வானமண்டலத்தில் ஒரு குறிப்பிட்ட இடத்தில் இருந்து சூரியனுக்கும், சந்திரனுக்கும் உள்ள மொத்த தூரம் ஆகும். இன்னும் சற்று விளக்கமாகக் கூறப்போனால் சூரியன், சந்திரனின் ஸ்புடங்களையும் கூட்டினால் வருவதே இந்த யோகம் ஆகும். இந்த யோகங்கள் மொத்தம் 27-ஆகும். இதனை " நாம யோகம்" என்பார்கள். அவையாவன:

1. விஷ்கம்பம் (விஷ்):-
இது அசுப யோகமாகும்.இந்த யோகத்தில் பிறந்தவர்கள் எதிரியை வெற்றி கொள்வார்கள். உடல் உறவு சுகத்தில் அதிகமான விருப்பம் உடையவர்களாகவும், எந்த நேரத்திலும் உடல் உறவு கொள்ள துடிப்பவர்களாகவும் இருப்பார்கள். மற்றவர்களை சட்டென்று அறிந்து கொள்வதுடன் பின்னால் நடக்கப் போவதை முன்கூட்டியே உணரும் தீர்க்க தரிசனம் இருக்கும். மாந்திரீக விஷயங்களில் நாட்டமிருக்கும். எவருக்கும் கட்டுப்படாத தன்னிச்சையான சுதந்திரப் பிரியர்கள், சுற்றங்களை மதிப்பார்கள். எவரிடமும் ஏமாறாதவராக இருப்பார்.

2. ப்ரீதி (ப்ரீ):-
இது சுபமான யோகமாகும். இதில் பிறப்பவர்கள் இனிய சொல் பேசுபவராகவும், நல்ல செயல்களையும் செய்பவர்களாகவும் இருப்பார்கள். பெரியோர்கள், ஞானிகள், மகான்கள், குரு ஆகியோர்களை மதிப்பவராகவும் அவர்களை வணங்குபவராகவும் இருப்பார்கள். உறுதியான மனமும், செயல்பாட்டுத் திறமையும் இருக்கும். கடவுள் பக்தி அதிகமுள்ளவர். அனைவரையும் அரவணைத்துச் செல்பவர் தான். காம இச்சை சற்று அதிகம் இருக்கும் நற்குணமுடைய இவர்கள் நல்ல வாழ்க்கை வாழ்வார்கள்.

3. ஆயுஷ்மான் (ஆயு):-
இது சுப யோகமாகும். பெரியவர்கள், மகான்கள், ஞானி - யோகிகள் "ஆயுஷ்மான் பவ" என்று இந்த யோகத்தின் பெயரால் வாழ்த்துவது உண்டு. "ஆயுஷ்மான் பவ" என்றால் நீடுழி பல்லாண்டு வாழ்க என்று பொருளாகும். அதற்கேற்ப இந்த யோகத்தில் பிறந்தவர்கள் நீண்ட ஆயுளுடன் நல்ல வசதியாக வாழ்வார்கள். அனைவரையும் மதிப்பவர்கள், பக்திமான்களாக தெய்வ காரியங்கள் செய்வார்கள். கால்நடைச் செல்வங்கள் உடையவர்களாக இருப்பார்கள்.

4. செளபாக்யம் (செள):-
பெயரே செளபாக்யம் எனும் போது இவர்களின் சுக செளக்யம் நன்றாகவே இருக்கும். இதுவும் சுபமான யோகம் தான். இதில் பிறந்தவர்கள் நல்ல செல்வாக்குடையவர்களாகவும், உறுதியான மனம் உடைய செயல்திறன் மிக்கவர்களாகவும், நல்ல பக்திமான்களாகவும், ஈவு இரக்கம் உடைய தர்மவான்களாக இருப்பார்கள். பெரியோர்களை மதிப்பவர்கள் என்பதுடன், சேவை செய்யும் மனப்பான்மையும் இருக்கும். உடல் உறவு சுகத்தில் அதிக ஈடுபாடு இருக்கும். அழகை ரசிப்பவர்கள்.

5. சோபனம் (சோ):-
சுப யோகமான இதன் பொருள் இனிமையான சுகம் என்பதாகும். திருமணமாகி முதல் இரவுக்கு "சோபனம்" என்று குறிப்பிடுவதுண்டு இதில் பிறந்தவர்கள் சுகமான இனிமையான வாழ்க்கையை விரும்புவதுடன் "சோபனம்" எனும் உடல் உறவுக் கல்வியில் தனியாத விருப்பத்துடன், நிபுணர்களாகவும் இருப்பார்கள். இவர்களின் குறிக்கோளே மகிழ்ச்சியான வாழ்க்கை தான். கஷ்டத்தை வெறுப்பவர்கள். சுற்றம் நட்பை அதிகம் விரும்புவார்கள். செல்வாக்குடையவர்கள் எனலாம்.

6. அதிகண்டம் (அதி):-
பெயரே கண்டம் என்று பயமுறுத்துகின்றது. அதிலும் அதி கண்டம். எனவே அடிக்கடி விபத்து கண்டங்கள் ஏற்படும். துன்பம் தொல்லை கஷ்டம் தாக்கும். மற்றவர்களுக்கு தொல்லைகளையும், பிரச்சினைகளையும், துன்பங்களையும் ஏற்படுத்துவார்கள். பிறரை துன்பப்படுத்தி அதில் மனம் மகிழ்ச்சியடைவார்கள். யான் பெற்ற துன்பம் பெறுக வையகம் என்ற குறுகிய மனப்பான்மையுடையவர்களாக இருப்பதுண்டு. பேராசையும், முன்கோபமும், முரட்டுத் தனமும், அலட்சியமும், சோம்பலும் இருக்கும். எதிலும் அழுத்தமான நம்பிக்கை இல்லாத மேம்போக்கானவர்களாக இருப்பார்கள்.

7. சுகர்மம் (சுக):-
இது நல்லயோகம். இதில் பிறந்தவர்கள் நல்ல செல்வாக்குடன், பேரும் புகழும் பெற்று நல்ல வாழ்க்கை வாழக் கூடியவர்கள். பற்று, பாசம், ஈகை உடையவர்கள். நல்ல பக்திமான்களாகவும், தெய்வகாரியங்கள் செய்வதில், தீர்த்த யாத்திரை மேற்கொள்வதில் விருப்பம் இருக்கும். நட்பு சுற்றங்களை விரும்பி மதிப்பவர்களாக இருப்பார்கள்.

8. திருதி (திரு):-
இது அசுப யோகம் தான் என்றாலும் சிலர் சுபயோகம் என்று கூறுகின்றார்கள். இதில் பிறந்தவர்கள் வைராக்யமும், தன்னம்பிக்கை உடையவர்கள். எடுத்த காரியத்தை விடாப்பிடியாக முடிக்கும் ஆற்றல் உடையவர்கள். கொடுத்தவாக்கை காப்பாற்றக் கூடியவர்கள். நல்ல தைரியமும் உடையவர்கள். சாஸ்திரங்களில் ஈடுபாடு இருப்பதுண்டு.

9. சூலம் (சூல):-
இது அசுபமான யோகம். முன்கோபம், முரட்டுத்தனம், அலட்சியம், சோம்பல், எடுத்தெரிந்து பேசும் குணம் இருக்கும். எவரையும் மதிக்க மாட்டார்கள். எவருடனும் ஒத்து போகாமல் முரண்டு பிடிப்பவர்கள். மற்றவர்களுக்கு தொல்லை கொடுப்பதுடன் வீண் வம்பு, சண்டை பிடிக்கவும் செய்வதுண்டு. உடல் உறவு சுகத்தில் மிக அதிகமான ஆசை இருக்கும். கண்டபடி அளவற்ற காம சுகம் அனுபவித்து அதனால் அவஸ்தைப் படுவதுண்டு.

10. கண்டம் (கண்):-
இதுவும் அசுபமான யோகம் தான். கண்டம் என்ற பெயரைப் போல இதில் பிறந்தவர்கள் அடிக்கடி கண்டங்களையும், துன்பங்களையும், உடல் நோய்த் துன்பங்களையும் சந்திக்க வேண்டி வரும். நல்ல எண்ணங்களும் இருக்காது. செயல்பாடுகளும் சிறப்பாக இருக்காது. மற்றவர்களுக்கு தீமைகள் செய்வார்கள். வஞ்சக எண்ணம் இருக்கும். எவரையும் மதிக்காமல் தன்னிச்சையாக செயல்படுவார்கள். கர்வம் அலட்சியம் இருக்கும்.

11. விருத்தி (விரு):-
செல்வாக்குடையவர்கள். நல்ல அளவில் வசதியான வாழ்க்கை அமைப்பவர்கள். சாஸ்திர நாட்டமும், புலமையும் உடையவர்களாக இருப்பதுடன், தெய்வ பக்தியும், நற்பண்புகளும் உள்ளவர்கள். ஈகை தரும குணம் உடையவர்களாகவும், தெய்வ காரியங்கள் திருப்பணிகள் செய்பவர்களாக இருப்பார்கள். நல்ல எண்ணம் செயல்பாடுடையவர்கள் எனலாம். இது சுபமான யோகமாகும்.

12. துருவம் (துரு):-
இதில் பிறந்தவர்கள் தனிமையை விரும்பக் கூடியவர்களாக இருப்பதுடன் எதிலும் ஒட்டாமல் தாமரை இலைத் தண்ணீர் போல பட்டும், படாமலும் இருப்பார்கள். கபடமான எண்ணம் உடையவர்கள். சமயம் கிடைக்கும் போது பழிதீர்த்துக் கொள்ள தயங்க மாட்டார்கள். நல்ல எண்ணம் இருக்காது. இது அசுபமான யோகமாகும். சிலர் இதையும் சுபயோகம் கூறுவதுண்டு. எனினும் சுபகாரியங்களுக்கு விலக்களிக்க வேண்டிய யோகம் தான்.

13. வ்யாகதம் (வ்யா):-
இதுவும் அசுபமான யோகம் தான். முன்கோபமும், முரட்டுத் தனமும் உடைய இவர்கள் சமுகத்தோடு ஒன்றிச் செல்லாமல், தன்னிச்சையாக செயல்படக் கூடியவர்கள். நல்லெண்ணம் இல்லாத இவர்கள் சூதுவாது, கபடம் உள்ளவர்களே எனலாம். மனஉறுதி இல்லாத இவர்கள் எண்ணங்களையும், செயல்களையும் அடிக்கடி மாற்றிக் கொள்வார்கள். பழி பாவத்துக்கு அஞ்சாதவர்கள் கெடுதல் செய்வார்கள்.

14. ஹர்ஷணம் (ஹர்):-
இது சுபமான யோகமாகும். செல்வாக்கும் - சொல்வாக்கும் உடையவர்கள். இனிமையான மென்மையான சுபாவம் கொண்டவர்கள். பின்னால் வருவதை முன்கூட்டியே யூகிக்கும் தீர்க்கத் தரிசிகளாக இருப்பதுண்டு. சுகமான ஆடம்பரமான வாழ்க்கையை விரும்புவார்கள். உடல் உறவு சுகத்தில் சற்று கூடுதலான அதிகமான ஈடுபாடுடையவர்கள். தெய்வ பக்தியும், உதவும் மனப்பான்மையும் உள்ளவர்களே எனலாம்.

15. வஜ்ரம் (வஜ்):-
இது சுபமான யோகமாகும். இதை சிலர் அசுபமான யோகம் என்று கூறுகின்றார்கள். ஆனால் இது சுபமான யோகம் தான். இதில் பிறந்தவர்களுக்கு அசாத்தியமான மன உறுதி உடையவர்கள். எதற்கும் அஞ்சாதவர்கள், கொள்கைப் பிடிப்புள்ளவர்கள். எதையும் சாதிப்பவர்கள். துணிச்சலும், தைரியமும் உள்ள இவர்களிடம் கனிவும் இருக்கும். உதவும் மனப்பான்மையும் உண்டு. நல்ல தெய்வபக்தியும், பிறர் மேல் மதிப்பு மரியாதையும் உள்ளவர்கள் தான் என்றாலும் தனக்கு தீங்கு செய்தவர்களை மறக்காமல் பழி தீர்த்து கொள்வார்கள்.

16. சித்தி (சித்):-
சுபயோகமான இதில் பிறந்தவர்களுக்கு எதுவும் சிந்திக்கும் உபாசனா சக்தியுடையவர்கள். தியானம் - யோகம் போன்றவற்றில் ஈடுபாடு உடையவர்கள். தீர்த்த யாத்திரைகள் மேற்கொள்வதில் விருப்பம் அதிகம். இமாலய யாத்திரை போன்ற கடினமான பயணங்களை மகிழ்வாக மேற்கொள்வதுண்டு செல்வமும், செல்வாக்கும் உடையவர்களே என்பதுடன் நல்ல குணம், உதவும் மனப்பான்மையுடையவர்கள் எனலாம்.

17. வியதீபாதம் (விய):-
இது அசுபமான யோகமாகும். இதில் பிறந்தவர்கள் சுயநலவாதிகளாக இருப்பார்கள். துன்பங்களையும், துயரங்களையும், கஷ்டங்களையும் அடிக்கடி சந்திக்க வேண்டிவரும். வாழ்க்கை போராட்டமாக இருக்கும். சிந்தித்து, முன்யோசனையுடன் செயல்படாமல் அவசர முடிவால் பிரச்சினைகள் சந்திப்பார்கள். பிடிவாத குணம் உடையவர்கள் என்பதால் பல நல்ல வாய்ப்புகளை இழந்துவிடுவார்கள். செயல்பாட்டு உறுதியும், திறனும் இருப்பதில்லை.

18. வரீயான் (வரீ):-
இது சுபயோகமாகும். இதில் பிறந்தவர்கள் தலைமை தாங்கும் தகுதியுடையவர்களாக இருப்பார்கள். நல்ல தைரியமும் காரிய வெற்றியும் உடையவர்கள். பிறருக்கு உதவும் மனப்பான்மையுடையவர். தரும காரியங்கள் திருப்பணிகள் செய்வதில் நாட்டமிருக்கும் புகழ் பெறக்கூடிய வகையில் செயல்பாடுகள் இருக்கும். நல்லெண்ணம் நல்வாக்கு உடையவர்களாக இருப்பார்கள.

19. பரிகம் (பரி):-
இது சுபமான யோகமாகும். இதில் பிறந்தவர்கள் தனக்கென தனியான கொள்கையும், குறிக்கோளும் உடையவர்கள். அநேகமாக அதிலிருந்து மாற மாட்டார்கள். கொடுத்த வாக்கை காப்பாற்றுவார்கள். பிறர் வாக்கு தவறினால் கோபம் கொண்டு அவர்களின் தொடர்பை வெட்டிக் கொள்வார்கள். கடும் முயற்சியுடையவர்கள். வெற்றி காணும் வரை ஓயமாட்டார்கள். விளையாட்டுகளில், பொழுதுபோக்குகளில் ஆர்வமுள்ளவர்கள். சுற்றுப் பயணத்தை விரும்புவார்கள்.

20. சிவம் (சிவ):-
இதுவும் சுபமான யோகம் தான். இதில் பிறந்தவர்கள் சிவனை வழிபடுபவர்களாகவும், தியானம், யோகம், பக்தி, ஞான மார்க்கத்தில் அதிக ஈடுபாடுடையவர்களாக இருப்பார்கள். ஞானிகள், மகான்கள், யோகிகள், பெரியோர்களை சந்திப்பதில் அதிக ஆர்வமுடையவர்கள். அவர்களின் ஆசியும் வழிகாட்டுதலும் இவர்களுக்கு கிடைக்கும் தெய்வ காரியங்கள், திருப்பணிகள், தீர்த்த யாத்திரைகள் போன்றவற்றில் அதிக நாட்டமிருக்கும் நல்ல எண்ணமும், நல்ல செயல்பாடும் உடையவர்கள் எனலாம்.

21. சித்தம் (சித்):-
இது சுபமானயோகமாகும். இதில் பிறந்தவர்கள். அசாத்தியமான மன உறுதியுடையவர்கள். எதற்குமே அஞ்சமாட்டார்கள். உறுதியான சித்தமுடையவர்கள். எடுக்கும் முடிவுகளை சட்டென்று மாற்றிக் கொள்ள மாட்டார்கள். சாஸ்திர புலமை, பரிச்சியமுடையவர்கள். நல்ல பக்தியும் இருக்கும். பிறருக்கு உதவும் மனப்பான்மையும் இருக்கும். பிறருக்குத் தகுந்த ஆலோசனைகளைச் சொல்ல கூடியவர்களாக இருப்பார்கள்.

22. சாத்தியம் (சாத்):-
இது சுபமான யோகமாகும். பெயரே சாத்தியம் என்று உள்ளதால், இந்த யோகத்தில் பிறந்தவர்கள் எதையுமே சாத்தியமாக்கி விடுவார்கள். பிற பெண்களை வசியம் செய்து கொள்ளும் சாத்தியம் கூட இவர்களுக்கு உண்டு. சற்று கூடுதலான காம இச்சை உடையவர்கள் என்பதில் காமக்கலையில் வல்லவராகவும் கூட இருப்பதுண்டு. வேடிக்கையாகவும், நகைச்சுவையாகவும் பேசுவதில் கெட்டிகாரர்கள். இந்த பேச்சினாலேயே மற்றவர்களைக் கவர்ந்துவிடுவார்கள். சங்கீத ஞானமு இருப்பதுண்டு.

23. சுபம் (சுப):-
பெயரே சுபம் என்பதால் சுபமான யோகம் தான். இனிமையான மென்மையான சுபாவம் கொண்டவர்கள். மகான்கள், யோகிகள், ஞானிகள், பெரியோர்களுக்கு சேவை செய்வதில் விருப்பம் உடையவர்கள். தெய்வ காரியங்கள், திருப்பணிகள், பொது சேவையிலும் நல்ல நாட்டமிருக்கும். அனைத்து தரப்பினரிடமும், சுமுகமான உறவு வைத்துக் கொள்பவர்கள். அமைதியை நாடும் சாத்வீகமானவர்கள் எனலாம்.

24. சுப்பிரம் (சுப்):-
இது சுபமான யோகமாகும். நல்ல தெய்வபக்தியும், தெய்வ நம்பிக்கையும் உடையவர்கள். எது நடந்தாலும் அது கடவுள் செயல் என்று கூறுவார்கள். அனைத்துக்குமே இவர்களுக்கு கடவுள் தான். தான் எந்த சாதனை செய்தாலும் தன்னைப் பற்றி பெருமையாக தம்பட்டம் அடித்துக் கொள்ள மாட்டார்கள். அதையும் கடவுளுக்கே சமர்ப்பணம் செய்வார்கள். மன உறுதியும், வைராக்கியமும் உடைய சாதனையாளர்கள். பிறருக்கு உதவும் மனப்பான்மையும் இருக்கும். நல்ல தோற்றம். இனிமையான சுபாவம் உள்ளவர்கள்.

25. பிராம்மியம் (பிரா):-
இதுவும் சுபமான யோகம் தான். தியானம், யோகம் ஆகியவற்றில் நல்ல அளவில் ஈடுபாடுடையவர்கள். பிரம்ம ஞானம் அறியும் முயற்சியுடையவர்கள். ஞானிகள், யோகிகள், மகான்களின் தொடர்புகளை ஏற்படுத்திக் கொண்டு அதன் மூலம் நல்ல அளவில் பயன் பெறுவார்கள். விவேகத்துடன் செயல்படுவதுடன் தியாக உணர்வும், தரும சிந்தனையும் இருக்கும். சிலர் உபாசனை மேற்கொள்வதுமுண்டு. உடல் ஷேமத்தை விரும்புபவர்களாக இருப்பதால் ஹோமம், யாகம், சமாராதனை, அன்னதானம் போன்றவைகளை செய்யக் கூடியவர்கள் எனலாம்.

26. ஐந்திரம் (ஐந்):-
இதுவும் சுபமான யோகம் தான். இதை சிலர் மாகேந்திரம் என்ற பெயரிலும் குறிப்பிடுவதுண்டு. இந்த யோகத்தில் பிறந்தவர்கள் காரிய வெற்றியுடையவர்கள். தீர்க்கதரிசிகள் எனலாம். ஆழ்ந்து சிந்தனை செய்பவர்கள். வரும் பொருள் உரைப்பவர்கள். சிலர் அருள்வாக்கு, ஜோதிடம் போன்றவையும் கூட இவர்களுக்கு வருவதுண்டு. நல்ல நுணுக்கமான அறிவுள்ளவர்கள். புகழ்ச்சியை விரும்புவார்கள். முன் கோபம் இருக்கும். கற்றறிந்த பண்டிதர்களையும், வேத ஞானிகளையும் மதிப்பவர்கள். நல்ல தெய்வபக்தியுடையவர்கள். தெய்வ காரியங்களை செய்வார்கள்.

27. வைதிருதி (வை):-
இது அசுபமான யோகமாகும்.இதில் பிறந்தவர்கள் சுயநலவாதிகளாக இருப்பார்கள். தற்பெருமையும் உடையவர்கள். கலகப் பிரியர்கள். சும்மா இருக்கும் சங்கை ஊதிக் கொடுப்பவர்கள். நல்லவர்கள் போல் நடித்து ஆதாயம் பெறுவார்கள். கபடம் உள்ளதுடன், கெடுக்கும் புத்தி இருக்கும். மன உறுதி இல்லாதவர்கள் என்பதால் மறைமுகமான தொல்லைகளை அளிப்பார்கள். நேர்மை இருக்காது. கடவுள் பக்தியைக் கூட வியாபாரமாக்கி காசு பண்ணிவிடுவார்கள். ஆதாயம் இல்லாமல் எதையுமே செய்யமாட்டார்கள்.கஞ்சத்தனமும் இருக்கும். காம உணர்வு அதிகமுடையவர்கள், தீய பழக்கங்கள் இருக்கும்.

குறிப்பு: 27 யோகங்களின் பொதுவான பலன் தான் ஜாதக அமைப்புப்படி கிரகங்களின் நிலைகளின்படி குணாதிசியங்கள் மாறக்கூடும் என்ற போதிலும் இதில் உள்ள அடிப்படை ஒன்றிரண்டு அவர்களிடம் இருக்கவே செய்யும். நட்சத்திரங்களின், திதிகளின், குணாதிசயங்களோடு, யோகங்களில் பிறந்த பலனும் இணைந்து காணக்கூடும்.

சரம் பரம் பட்சி ஓரை

அமைதியான இடத்தில் அமைதியான முறையில் இதை படியுங்கள்   இதை நன்கு தெரிந்து கொண்டால் உங்களை வெல்ல  ஆட்களே இல்லை .                       சர கலை என்னும் சர வித்தை சர யோகம்
#‎சரவித்தை
-------------------------------------
சித்தர் கலைகளில் உயர்நிலை கலைகளில்
முதன்மையான கலையே சரகலை
ஆகும்.இக்கலையினை ஆதியில் எம்பெருமான்
ஈசன் மகாசக்தியான அன்னை உமையவளுக்கு
உபதேசித்த உன்னத கலையாகும்.
சித்தர் கலைகள் அனைத்தும் இறைவனாகிய
சிவபெருமானால் தோற்றுவிக்கப்பட்டு பின்
அடுத்தடுத்து குருகுல வழி உபதேசமாக
சித்தர் பெருமக்களுக்கு உபதேசிக்கப்
பட்டவைகள் ஆகும்.
சிவன் சக்திக்குச் சொல்ல
சக்தி நந்திக்குச் சொல்ல
நந்தி காளங்கிக்குச் சொல்ல
காளங்கி மூலருக்குச் சொல்ல
மூலர் அகத்தியருக்குச் சொல்ல
என்ற சித்தர் பாடலின் படி ஆதி முதல் சித்தர்
எம்பெருமான் ஈசனே ஆகும்.
சரம் தெரிந்தவனிடம் சரசமாடாதே
பட்சி தெரிந்தவனை பகை கொள்ளாதே -
சரம் பார்ப்பான் பரம் பார்ப்பான் -
இவை முன்னோர் வாக்காகும். சரம்
தெரிந்தவனிடம் சரசமாடாதே என்பதன் பொருள்
சரகலையை இயக்கத் தெரிந்த வனிடம் சரசம்
என்ற விளையாட்டுத் தனமாக நடந்து
கொண்டால் சரம் கற்றவன் சீறி, சினந்து வாக்கு
விட்டால் அது அப்படியே பலித்து
விடும்.ஏனென்றால் பஞ்சபூத சக்திகள்
அனைத்தும் சரகலையில் தேர்ச்சி பெற்றவனின்
உடல், மனம் ,வாக்கு மூன்றிலும்
ஒருங்கிணைந்து ஆட்சி செய்யும்.
ஆனால் தெய்வீகக் கலையான சரகலையினை
முறைப்படி குருகுல முறையாக தீட்சை
பெற்று இதன் இரகசியங் களை பயிற்சி செய்து
சித்தி பெற்ற வருக்கு மட்டுமே இது
சாத்தியம். சித்தர் நூல்களை படித்து
தானாகவே பயிற்சி செய்து சித்தி பெறுவது
என்பது சாத்தியமாகாது.
ஏனென்றால் சரகலை
எனும் தெய்வீகக் கலையினை அனுபவ
முறையாக சித்தி செய்யும் சூட்சும
இரகசியங்கள் எந்த ஒரு சித்தர் நூல்களிலும்
பகிரங்கமாக வெளியிடப்பட
வில்லை. நவக்கிரகங்களின் செயல்பாடுகளை
கட்டுப்படுத்தும் வல்லமையும், பஞ்சபூத
சக்திகள் இக்கலைக்கு இணங்கி வேலை
செய்வதாலும் சித்தர் பெருமக்கள் இதன்
உண்மை இரகசியங்களை நூல்களில் பதிவு
செய்ய வில்லை. மேலும் தனக்கு இணக்கமான
சீடருக்கு மட்டும் குணம் ,தகுதி அறிந்து
உபதேசமாக தீட்சை அளித்து வந்துள்ளனர்.
நாம் மேலோர் எனப் போற்றப்படும்
மகான்கள்,யோகிகள், சித்தர்கள்,
முனிவர்கள்,ரிஷிகள்,அனைவரும் தெய்வீகக்
கலையான சரகலையில் தேர்ச்சி
பெற்றவர்களே.தான் இறைநிலையில் சித்தி
பெற்று,தன்னை நாடி வரும்
அன்பர்கள் குறையினை நீக்கி நல்வழி
காட்டவும் சரகலையினை பிரயோகம்
செய்துள்ளனர்.
சரகலையின் பிரயோக முறையால் மனம்
சார்ந்த பிரச்சினைகள், உடற்பிணிகள்,தொழில்
முன்னேற்றம்,தலைமைப் பண்பு,அனைத்து
காரிய வெற்றி,தேர்வில் வெற்றி,வெளியூர்
பயணங்களில் வெற்றி,நவகிரகங்களின்
தீமையை அகற்றவும்,கோர்ட் வழக்குகள்
வெற்றி,அனைத்து கலைகளில்
தேர்ச்சி,ஜோதிடம், மாந்திரீகம், மருத்துவம்,
போன்ற துறைகளில் வெற்றி பெறவும்,கடன்
நீங்கி பணம் வருவாய் பெறவும்,வாக்கு சித்தி
பெறவும்,மேலும் தனக்கு வரும் நன்மை
தீமைகளை அறிந்து தானே நிவர்த்தி செய்து
கொள்ளவும்,தன்னை நாடி வரும் அன்பருக்கு
உதவும் பொருட்டு அமையப்பெற்றது சரகலை
சாஸ்திரம் ஆகும்.
மேலும் சரகலை கற்று தேர்ச்சி பெற்றால்
இல்லறத்தில் பூரணத்துவ
நிம்மதி,சந்தோசம்,மகிழ்ச்சி பெறுவதுடன் சரம்
பார்ப்பான் பரம் பார்ப்பான் என்பதற்கிணங்க
ஆன்மீக இறைநிலை மெய்ஞான சித்தியும்
அடையலாம்.
சகோதர சகோதரிகளுக்கு பணிவான
வேண்டுகோள், பதிவு நீளம் பெரிதாக
இருக்களாம், இருப்பினும் ஒருமுறைக்கு
பலமுறை ஊன்றி படிக்கவும். காரணம்
என்னவென்றால் ஆன்மீகத்தில் காலடி எடுத்து
வைக்கும் ஒவ்வொருவரும் இந்த
சரவித்தையை தெரிந்துவைத்து கொள்வது
இன்றியமையாதது. ஏனென்றால் இது உங்கள்
வாழ்க்கையையே மாற்றி அமைக்கும் வள்ளமை
கொண்டது.
நாள், கோள், நட்சத்திரம் இவை முதலான
சோதிட நுட்பங்கள் எதுவுமே அறியாதவர்கள்
தங்கள் மன நினைவினாலே ஐயங்களை
தீர்த்துக் கொள்ள ஏதேனும் வழி உள்ளதா??
என்று உமாதேவி கேட்க!! அதற்கு
சிவபெருமான் உபதேசித்த கலையே சரகலை
அல்லது சரவித்தை.
கலைகளிலேயே முதன்மையானதும்
சிறப்பானதும் இந்த சரகலைதான் என்பது
அனுபவஸ்தர்கள் வாக்கு. காலை எழுந்தது
முதல் இரவு உறங்கப்போகும் வரை
உங்களுக்கும், உங்களை சுற்றி
உள்ளவர்களுக்கும் என்ன நடக்கப் போகின்றது
என்பதை இந்த சரகலையை கொண்டு 100%
சரியாக கணித்துவிடலாம். உங்களிடம் ஒருவர்
நல்லதுக்காக வருகிறாரா?? அவர் பேசுவது
உண்மையா?? இந்த நாள் உங்களுக்கு எப்படி?? போகும் காரியம் வெற்றி பெருமா?? என
அனைத்தையும் துள்ளியமாக
கணித்துவிடலாம்.
சரம் என்றால் சுவாசம் என்று பொருள்.
பொதுவாக நமது சுவாசம் மூன்று விதமாக
இயங்குகின்றது. அதாவது சுவாசம் இடது
பக்கமாக ஓடினால் இடகலை அல்லது
சந்திரகலை என்றும், வலது பக்கமாக ஓடினால்
பின்கலை அல்லது சூரியகலை என்றும்,
இரண்டிலும் ஓடினால் சுழுமுனை என்று
கூறுவர். இந்த சுழுமுனை சுவாசம் ஓடினால்
எந்த வேலையும் செய்யாமல் தியானத்தில்
மட்டும் அமர்ந்திருப்பதே நல்லது, மற்ற
வேலைகள் செய்தால் நடக்காது. சுவாசம்
வலது பக்கமாக ஓடினால் உடலால் செய்யும்
கடினமான வேலைகளை செய்வது சிறந்தது.
சுவாசம் இடது பக்கமாக ஓடினால் மனதால்
செய்யும் வேலையே சிறந்தது. மேலும்
சுவாசம் எந்த பக்கம் ஓடுகின்றதோ அதை
பூரணம் என்றும், சுவாசம் ஓடாத பக்கம்
சூனியம் என்றும் வகுத்துள்ளனர்.
உதாரணத்திற்கு உங்களுக்கு வலது பக்கம்
சுவாசம் ஓடுகின்றது என்று வைத்து
கொண்டால், வலது பக்கத்தை பூரணம்
என்றும், சுவாசம் ஓடாத இடது பக்கத்தை
சூனியம் என்று பொருள் கொள்ள வேண்டும்.
சரமாகிய சுவாசம் ஒவ்வொரு நாளும்
ஒவ்வொரு பக்கத்தில் தொடங்க வேண்டும்
என்ற விதியுள்ளது. அது யாதெனில் திங்கள்,
புதன், வியாழன்(வளர்பிறை), வெள்ளி ஆகிய
நாட்களில் சுவாசம் இடது பக்கத்திலிருந்து தொடங்க வேண்டும். அதே போல் செவ்வாய்,
வியாழன்(தேய்பிறை), சனி, ஞாயிறு ஆகிய
நாட்களில் சுவாசம் வலது பக்கத்திலிருந்து தொடங்க வேண்டும். ஒருவேலை அந்த
நாளுக்குரிய சரம் ஓடாமல் வேறு சரம்
ஓடினால் நோய், பொருள் இழப்பு, மனக்கஷ்டம்
போன்றவை ஏற்படும். உதாரணதிற்கு திங்கள்
அன்று சுவாசம் இடது பக்கம் தொடங்காமல்
வலதில் தொடங்கினால் நோய் உண்டாகும்.
ஒருவருடைய சரம் சரியாக இயங்குகின்றது
என்பதை எப்படி கண்டுணர்வது என்றால்,
காலையில் கண்விழித்த உடனே உங்களது சரம்
(சுவாசம்) அந்நாளுக்குரிய சரத்தில்
ஓடுகின்றதா?? என்று கவனியுங்கள்.
அப்படி
ஓடினால் அந்நாள் உங்களுக்கு நன்மையான
நாள். உதாரணதிற்கு திங்கள் அன்று
கண்விழித்த உடனே உங்கள் சுவாசத்தை
கவனித்தால் இடதுபக்கத்தில் ஓடி
கொண்டிருக்க வேண்டும். அதற்கு பிறகு
சுவாசம் எந்த பக்கம் வேண்டுமானாலும்
மாறிக்கொள்ளலாம். தவறில்லை. ஆனால்
அப்படி ஓடாமல் திங்களன்று சூரியனுக்குரிய
வலதுகலையில் தொடங்கினால் நோய்
ஏற்படுவது 100% உறுதி. எழுந்த உடனே
சுவாசத்தை கவனித்து சரத்தை மாற்ற
கற்றுக்கொண்டால் நோயிலிருந்து தப்பித்துக்
கொள்ளலாம்.
அக்காலத்தில் முனிவர்கள் கையில் தண்டம்
என்ற ஒன்றை வைத்திருப்பார்கள்.
அது இந்த
சுவாசத்தை மாற்ற உதவும் கருவியே தவிர
வேறு ஒன்றுமில்லை. சுவாசத்தை எப்படி
மாற்ற வேண்டும் என்றால் அதற்கு பல வழிகள்
உண்டு. அவை
1. படுக்கையிலிருந்து எழும்போது எந்த
காலை முதலில் தரையில் அழுத்தி
ஊணுகின்றீர்களோ அந்த பக்கம் சுவாசம்
மாறிக்கொள்ளும்.
2. படுக்கையிலிருந்து எழாமல் எந்த பக்கம்
ஓடவேண்டுமோ அதற்கு எதிர் பக்கம் திரும்பி
படுத்துக்கொண்டு சுவாத்தை கவனிக்க
வேண்டும். உதாரணதிற்கு வலது பக்கம் சரம்
ஓடவேண்டும் என்று வைத்துக் கொள்வோம்,
உடனே இடது பக்கமாக திரும்பி படுத்து,
இடது கையை மடித்து தலைக்கு கீழே
வைத்து, கால்களை நீட்டி வலது கையை
வலது தொடை மீது வைத்துக்கொண்டு
உங்கள் சுவாசத்தை கவனித்தால், தானாகவே
சுவாசம் வலது கலைக்கு மாறிகொள்ளும்.
3. அல்லது நிமிர்ந்து உட்கார்ந்து இடது
தொடை மீது வலது காலைப் போட்டு
உட்கார்ந்தால் சுவாசம் வலதில் மாறியோடும்.
இதுவே கால்மேல் கால் போட்டு உட்காரும்
முறை. ஷிரடி பாபா படத்தை பார்த்தால்
புரியும்.
4.அல்லது உட்காரும்போது இடது கையை
தரையில் அழுத்தி சற்று இடது பக்கம்
சாய்ந்தவாறு உட்கார்ந்தால் சரம் வலதில்
மாறியோடும்.
5.அல்லது இடது அக்குலில் ஒரு கணமான
துண்டை மடித்து வைத்து கொண்டால்,
சுவாசம் வலதில் மாறிக்கொள்ளும்.
இவை அனைத்தும் சூரிய உதயத்திற்கு 20
நிமிடத்திற்கு முன்போ அல்லது உதயத்திற்கு
பின் 20 நிமிடத்திற்கு உள்ளாகவோ செய்து
கொண்டால் கூட போதுமானது. பிரம்ம
முகுர்த்தத்தில் செய்தால் மிக்க பயன் உண்டு,
அதாவது சூரிய உதயத்திற்கு 1 1/2 (4.30
A.M)மணி நேரத்திற்கு முன் உள்ள காலம்.
சுவாசத்தை கவனித்தல் என்பது இயற்கையான
தியான முறையாகும். எனவே இதில்
தியானமும் அடக்கம். புத்தரின் விபாசான
சுவாசத்தை என்னேரமும் கவனித்தலே ஆகும்.
இப்படி கவனிப்பதால் சரம் இடம்,வலம்,சுழுமுனை என மாறுவதை கவனிக்க முடிவும்.
மேலும் சுழுமுனை சுவாசம் ஓடும்போது
கவனித்தலே தியானமுறைகளில் சிறந்தது,
இதற்கென்று வேறு எதுவும் தேவையில்லை.
இப்படி கவனிக்கும் போது உங்களை சுற்றி
என்ன நடக்கின்றது?? எது உண்மை?? என
அனைத்தையும் துள்ளியமாக கண்டறிய
முடிவும்.
அது எப்படி?? ஒருவர் உங்களிடம் பேசுகின்றார்
என்றால், அவர் எந்த பக்கத்தில் வந்து
நிற்கின்றார் என கவனிக்கவும். அதாவது
உங்களின் வலது பக்கமாவா? அல்லது இடது
பக்கமாவா? என்று கவனிக்கவும். அவர்
உயரமான இடத்தில் நின்று பேச பேசினாலோ
அல்லது உங்களிடம் நேருக்கு நேர் நின்று
பேசினாலோ அல்லது இடது பக்கத்தில் நின்று
பேசினாலோ உங்களின் இடது பக்கத்தில்
நிற்கின்றார் என கொள்ளவேண்டும். இதுவே
உங்கள் வலது பக்கத்தில் நன்றாலோ அல்லது
உங்களை விட தாழ்வான இடத்தில் நின்றாலோ
அல்லது உங்களுக்கு பின்னாடி நின்றாலோ
உங்களின் வலது என கொள்ளவேண்டும்.
இப்படி வலது, இடது என்பதை வைத்தே
அனைத்தையும் கணித்து விடலாம். முன்பே
கண்டது போல பூரணம் என்பது சரம் ஓடும்
பக்கம், அதுபோல் ஓடாத பக்கம் சூனியம்.
ஒருவர் சரம் ஓடும் பக்கம் நின்று எதாவது
பேசினால் அல்லது கேட்டால் அது உண்மை
மற்றும் நடக்கும் என்று பொருள், ஓடாத பக்கம்
நின்றால் அது பொய் மற்றும் நடக்காது என்று
பொருள். இது போன்று சகலத்தையும்
துள்ளியமாக கணிக்கலாம்.
திசைகளில் சூரியனுக்குரிய திசை கிழக்கு
மற்றும் வடக்கு ஆகும். அதுபோல்
சந்திரனுக்குரிய திசை மேற்கு மற்றும் தெற்கு
ஆகும். ஒருவருக்கு சரம் வலதில் ஓடும்
காலத்தில் சூரியனுக்குரிய திசையில் பயணம்
செய்தால் காரியம் நன்மையில் முடியும்.
அதுபோல் இடதில் ஓடினால் சந்திரனுக்குரிய
திசையில் செல்வது நல்லது. சந்திரன்
ஓடும்போது சூரியதிசையிலோ அல்லது
சூரியன் ஓடும்போது சந்திரதிசையிலோ
சென்றால் காரியம் சித்திக்காது.
சூரியசரம் நடக்கும்போது அதற்குரிய
திசையில் செல்லாமல் மாறாக
செல்லவேண்டும் என்றால் வலது காலை
முன்வைத்து ஒற்றையடியாக மூன்றடி தூரம்
நடந்துவிட்டுப் பயணத்தை தொடங்க
வேண்டும்.இதேபோல் சந்திரசரத்திற்கு இடதுகாலை முன்வைத்து செல்ல
வேண்டும். இரண்டுசரமும் ஒன்றாக நடந்தால்
இரண்டு கால்களையும் ஒன்றாகக்
கூட்டிவைத்து மூச்சடக்கி தத்தித்தத்தி
மூன்றுமுறை சென்றுபின் பயணம் செய்ய
வேண்டும்.
அதேபோல் ஒரு நல்ல ஒழுக்கநெறியுள்ள
உயர்ந்த மனிதரை சந்திக்கும் போது உங்களில்
பூரண பக்கத்தில் அவர் உள்ளபடி
நின்றுகொண்டால் மிக்க நன்மை தரும்.
அதேபோல் வழக்கு, தீயவர் போன்றோரை
சந்திக்க நேர்ந்தால் உங்களின் சூனிய
பக்கத்தில் அவர் உள்ளபடி செய்து கொண்டால்
அவர் பலம் குன்றிவிடும்.
கோவிலுக்கு செல்லும்போதும் உங்கள்
பூரணபக்கம் சுவாமியும், சுவாமியின்
பூரணபக்கம் நிங்களும் இருந்தால் மிக்க பலன்
உண்டு. அந்தந்த நாளுக்குரிய சரம் சுவாமிக்கு
முழுவதுமாக ஓடுவதாக கணக்கில் கொள்ள
வேண்டும்.
‪#‎எச்சரிக்கை- உலகையே ஆண்டுவந்த
ராஜவம்சத்தினர் இன்று இருந்த தடம்
தெரியாமல் அழிந்து மண்ணான காரணம், இது
போன்ற தெய்வ கலையை தவறாக தன்
சுயநலத்திற்காக பயன்படுத்தினதால்தான்
என்பது மறுக்க முடியாத உண்மை.
"சரம் பார்ப்பவனிடம் சரசம் கொள்ளாதே"
என்பது முன்னோர் வாக்கு. ஏன்னென்றால் "
சரம் பார்ப்பவன் பரம் பார்ப்பவன் ஆவான்".
எனவே நல்லவழியில் இதை பயன்படுத்தினால்
தெய்வத்திற்கு நிகராக கொண்டு செல்லும்
என்பது உறுதி.
‪#‎குறிப்பு- அடிப்படை சரவித்தையை மட்டுமே
இங்கு பதிவுசெய்ய பட்டுள்ளது. அனைத்தும்
தெரிய வேண்டும் என்றும் படத்தில் உள்ள
புத்தகத்தை கையில் வைத்து கொள்ளுங்கள்.
மேலும் சரவித்தையை குருமுகமாகதான்
மட்டுமே கற்க வேண்டும் என்று
சொல்வார்கள். அதை நம்ப வேண்டாம்.
இலவசமாக கிடைத்தால் கற்று கொள்ளுங்கள்.
பணம் கொடுத்து கிடைத்தால் இதையேதான்
சொல்ல போகிறார்கள். முன்பே கூறியது
போல் "சரம் பார்ப்பவன் பரம் பார்ப்பவன்". பணம்
பார்ப்பவன் அல்ல. குருவின் மீதும் திருவின்
மீதும் நம்பிக்கை வைத்து தொடங்குங்கள்.
மற்றவை தானாகவே வந்து சேரும்.இயற்கையு
ம் இறைவனும் கண்டிப்பாக ஒருவனுக்கு
நன்மையை மட்டுமே செய்வார்கள்.
வருடத்தில் எல்லா நாட்களும் எல்லா
நேரங்களிலும் சரம் பார்க்க வேண்டும் என்ற
அவசியம் இருந்தாலும், சரம் தானாகவே
சரியாக நடக்க ஒரு வழி உண்டு. அதாவது சரம்
பார்ப்பதில் நாள் சரம், நட்சத்திர சரம், திதி சரம்,
பஞ்சபூத சரம் மற்றும் அயன சரம் என்ற
முறைகள் உண்டு. இதில் அயன சரத்தை தவிர
மற்ற எல்லா சரங்களும் அடிக்கடி பார்த்து
சரிசெய்வது. ஆனால் அயன சரம் மட்டும்
வருடத்தில் இரண்டே நாட்கள் மட்டுமே பார்க்க
முடியும். மேலும் இந்த இரண்டு நாட்களில்
சரத்தை சரியாக நடக்கவிட்டால் போதும்,
வருடத்தில் எல்லா நாட்களிலும் சரம் சரியாக
நடக்கும்.
ஆடி மாதம் முதல் தேதி முதல் சூரியன்
தெற்கு நோக்கி நகரும் தட்சிணாயண காலம்
என்றும், வடக்கு நோக்கி நகரும் காலம் தை
மாதம் முதல் தேதி முதல் உத்தராயண காலம்
என்றும் சொல்வர். அயனம் ஆரம்பமாவதற்கு
முதல் நாள் பகலில் ஒருபொழுது மட்டுமே
உணவு உண்டு பரிசுத்தமாக இருந்து மறுநாள்
உத்தராயண மாகிய தைமாதம் முதல் தேதி
பொழுது விடிவதற்கு முன் ஐந்து நாழிகை
இருக்கும்பொழுது சரம் பார்க்க வேண்டும்.
அப்படி பார்க்கும் பொழுது எந்த நாளாக
இருந்தாலும் கவனிக்க தேவையில்லை. சரம்
இடதுபக்கமாக ஐந்து நாழிகை நேரம் சிதறாமல்
ஓட வேண்டும். தட்சிணாயணம் ஆடி மாதம்
முதல் தேதியானால் சரம் வலது பக்கத்தில்
ஐந்து நாழிகை நேரம் சிதறாமல் ஓட
வேண்டும். அவ்வாறு சரம் ஓடினால்
வருடத்தில் எல்லா நாட்களும் நலமாக
அமையும்.
இந்த சரவித்தையை படிப்பதோடு மட்டும்
விட்டுவிடாமல் உங்கள் வாழ்க்கையில் இதை
ஒரு அங்கமாக கொண்டால் அனைத்தும்
நன்மையாகவே நடக்கும் என்பது உறுதி.
அனைத்தையும் நன்கு புரியும்வரை
ஒருமுறைக்கு பலமுறை படித்து பலன் பெற
வேண்டும் என்பது பணிவான வேண்டுகோள்.
சரம் பார்த்தலை அதிகாலை 4 முதல் 6 மணி
வரை பார்த்து, தவறாக நடந்தால் சரிசெய்து
கொள்ள வேண்டும். துள்ளியமாக
கூறவேண்டும் என்றால் சூரிய உதயத்திற்கு
இரண்டு மணி நேரத்திற்கு முன் பார்க்க
வேண்டும். இதை பிரம்மமுகுர்த்த நேரம்
என்றும் வள்ளலார் இதை அமுதகாற்று
இறங்கும் நேரம் என்றும் கூறுவார்.
வள்ளலாரின் உபதேசத்தில் (அதிகாலை
எழுந்திருந்து இறைவனை வணங்குதல்)
என்பதன் காரணம் இதுதானாகும். இப்படி
எழுபவர்களுக்கு அந்த நாள் முழுவதும்
கிடைக்க வேண்டிய பயன் அந்த இரண்டு மணி
நேரத்திலேயே கிடைத்துவிடும் என்பார்.
சொல்ல கணக்கில்லாத பல நன்மைகளை இந்த
இரண்டு மணி நேரம் தன்னுல் அடக்கியுள்ளது.
வள்ளலார் உபதேசங்களை நன்கு அறிந்தவர்
இந்நேரத்தை சிறப்பாக பயன்படுத்திகொள்வர்.
முடியாதவர்கள் இதற்காக கஷ்டபட
தேவையில்லை, 4.30 மணிக்கு விழிப்பு
வந்ததும் சரத்தை கவனித்து அதற்கு ஏற்றது
போல் திரும்பி படுத்துக் கொண்டு உங்கள்
சுவாசத்தை கவனித்தலோ, இறை பிராத்தனை
செய்தலோ, அங், மோ, ஓம் போன்ற எதோ ஒரு
மந்திரத்தை மனதால் தொடர்ந்து உட்சரிப்பதோ,
கண்களை மூடி உள்ளே தெரியும் இருளை
கவனிப்பதோ போன்ற எதாவது ஒன்றே
போதுமானது, படுக்கையிலிருந்து
எழவேண்டிய அவசியமில்லை.
புறதூய்மையை விட அகதூய்மையே
சிறந்தது. இந்நேரம் நீங்கள் செய்யும்
செயலுக்கு பலன் ஆயிரம் மடங்கு அதிகமாக
கிடைக்கும் என்பது உறுதி. முயற்சி செய்து
பாருங்கள் தியானத்திற்கு என்று தனி நேரம்
ஒதுக்க தேவை இருக்காது. உங்கள் உள்ளினும்
உங்களை சுற்றியும் நல்ல மாற்றத்தை உணர
ஆரம்பிப்பீர்கள்.
இருப்பினும் திங்கள் காலையில் எழுந்தவுடன்
சரம் பார்க்க மறந்துவிட்டிர்கள் என்று
வைத்துக்கொள்வோம். அந்த நாளில்
முதல்முதலாக நீங்கள் கவனிக்கும்
சுவாசத்தையே கணக்கில் கொள்ள வேண்டும்.
அது பகலாகட்டும், மதியமாகட்டும்,
மாலையாகட்டும் நீங்கள் கவனிக்கும் முதல்
சுவாசம் இடதில் ஓடும். அதன்பின் ஐந்து
நிமிடத்திலோ அல்லது அதற்குமேல் பார்த்தால்
சரம் மாறிக்கொள்ளும் அதில் தவறில்லை.
அப்படி இல்லாமல் நீங்கள் கவனிக்கும் முதல்
சரம் வலது பக்கத்தில் நடந்தால், சரத்தை
இடது பக்கத்தில் மாற்றி கொண்டாலே
போதுமானது. சிலருக்கு காலை எழுந்தவுடன்
சரம் சரியாக நடக்கும் பின் சிறிது நேரம்
கழித்து சரம் மாறி நடக்கும். அதில் எந்த ஒரு
தவறும் இல்லை. நீங்கள் கவனிக்கும்
முதல்முதல் சரத்தையே கணக்கில் கொண்டு
சரி செய்ய வேண்டும். அதற்கடுத்து நடக்கும்
சரங்கள் மாறி நடந்தால் தவறில்லை.
நாம் சில முக்கிய காரியங்கள் செய்யும்முன்,
அச்செயலுக்கு ஏற்ற சர ஓட்டத்தை
மாற்றிவிட்டு செய்தால் அது நிச்சயம்
பலிக்கும். அல்லது சர ஓட்டத்திற்கு தக்கபடி
செயல்களில் ஈடுபட்டால் செய்யும் காரியம்
தோல்வியை தழுவாது, வெற்றியை
கொடுக்கும்.
நமக்கு ‪#‎வலப்புறம் (பிங்கலை)
மூச்சோட்டம் செல்லும்போது செய்யப்பட
வேண்டிய காரியங்கள்:-
1. உணவு உட்கொள்வதற்கு.
2. குளிப்பதற்கு.
3. மலம் கழிப்பதற்கு.
4. முக்கியமானவரைக் காணுவதற்கு.
5. விஞ்ஞான, கணித ஆய்வு செய்வதற்கு.
6. கடினமான தொழில் செய்வதற்கு.
7. பணம் கோரி பெறுவதற்கு.
8. தன் பொருளை விற்பணை செய்வதற்கு.
9. நோய் தீருவதற்கு, மருந்து
உட்கொள்வதற்கு.
10. போதனை செய்வதற்கு.
11. தீராத வழக்கு தீருவதற்கு. 12.
உறங்குவதற்கு. மேற்கண்ட காரியங்களை
நமது மூச்சோட்டம் சூரியகலையில்
இருக்கும்போது செய்ய, அவை சுபமாக
முடியும். சூரியகலை ஆண்தன்மையுடையது.
நமக்கு ‪#‎இடப்புறம் (இடகலை) மூச்சோட்டம்
செல்லும்போது செய்யப்பட வேண்டிய
காரியங்கள்:-
1. தாகம் தீர்க்க நீர் அருந்துதல். 2. பொருள்
வாங்குதல்.
3. ஜலம் (சிறுநீர்) கழிப்பதற்கு. 4. சொத்துகள்
வாங்குவதற்கும், பதிவு செய்வதற்கும்.
5. வீடுகட்ட, கடகால் தோண்டுவதற்கு.
6. புதுமனை புகுதல்.
7. சிகை அலங்கரிக்க.
8. ஆடை, ஆபரணம் வாங்குவதற்கு.
9. விவசாய நாற்று நடுவதற்கு. 10. தாலுக்கு
பொன் வாங்குவதற்கு.
11. தாலி கட்டுவதற்கு.
12. கிணறு வெட்டுவதற்கு.
13. புதிய படிப்பு படிக்க.
14. அரசியல் அமைச்சர்களை பார்க்க.
மேற்கண்ட காரியங்களை நமது மூச்சோட்டம்
சந்திரகலையில் இருக இருக்கும்போது செய்ய,
அவை சுபமாக முடியும், என்று ஞான சர
நூல் கூறுகிறது. சந்திர கலை பெண்
தன்மையுடையது.
நீங்கள் பார்த்துக் கொண்டிருக்கும்
தொலைக்காட்சியில் செய்தி வாசிப்பவர் நாளை
இந்தியாவிற்கும் ஆஸ்திரேலியாவிற்கும்
கிரிக்கெட் போட்டி நடைபெறும் என்று
கூறுகின்றார் என வைத்துக் கொள்வோம்.
தொலைக்காட்சி உங்களுக்கு இடது பக்கத்தில்
உள்ளது என வைத்துக் கொள்வோம்.
உங்களுக்கு அந்நேரம் இடது பக்கத்தில் சரம்
நடந்தால் முதலில் சொன்ன இந்தியாவுக்கு
வெற்றி எனவும், சரம் வலது பக்கம் நடந்தால்
இரண்டாவதாக சொன்ன ஆஸ்திரேலியாவுக்கு
வெற்றி என பொருள். இதேபோல் உங்கள்
மனைவி உங்களது வலது பக்கத்தில் நின்று
கொண்டு தனக்கு வரவேண்டிய 1000
பணத்தை தன் தோழியிடம் வாங்கி வருகிறேன்
என கூறும்போது உங்களுக்கு வலது பக்கம்
சரம் ஓடினால் கிடைக்கும் என்றும், இடது
பக்கம் ஓடினால் கிடைக்காது என்று பொருள்.
அதுபோல் கூட்டத்தில் இருக்கும் போது
ஒருவர் பேசிக்கொண்டிருப்பதை நீங்கள் கேட்க
நேர்ந்தால் அதிலும் உங்களுக்கு அவர் பக்கம்
மூச்சு ஓடவில்லை என்றால் அவர் பேசுவது
பொய் என பொருள்.
இவ்வாறு வழக்கு, அரசியல் என
அனைத்தையும் நீங்கள் உங்களது மூச்சை
கவனித்து சரியான படி நடந்தும், துஷ்டரை
கண்டால் தூர விலகியும், முடிந்தவரை
நன்னெறி கூறி திருத்தியும், உண்மைக்கு
புறம்பாகவும் சுயநலமாகவும் நடக்காதபடி
நல்வழி செல்லவும் நல்வழி காட்டியாக இந்த
சரசாஸ்திரமே அமையும்.
மேலும் உங்களிடம் ஒருவர் தனது நோய்
குணமாகுமா?? என கேட்டால், கேட்பவர் பக்கம்
உங்கள் சரம் ஓடினால் குணமாகிவிடும் என்று
பொருள். அதேபோல் உங்களுக்கு அவர் பக்கம்
மூச்சோடி அவருக்கும் உங்கள் பக்கம்
மூச்சோடினால் அந்நோயானது அவர்
வீட்டிற்கு செல்லும் முன்பே குணமாகிவிடும்.
மேலும் இருவருக்கும் எதிர்எதிர் திசையில்
மூச்சோடினால் அந்நோய் தற்போது குணமாக
வாய்ப்பில்லை என்று பொருள். எதிரே
உள்ளவரின் சரத்தை நாம் எப்படி
கண்டுபிடிப்பது என்றால்??
அவர் உட்கார்ந்திருந்தாலோ அல்லது
நின்றாலோ, அவர் உடம்பின் எப்பக்கம் அழுத்தம்
கொடுத்திருக்கின்றது என கண்டு அதற்கு
எதிர்திசையில் சரம் ஓடுவதாக எடுத்து
கொள்ள வேண்டும். மேலும் வந்தவர்
பெரும்பாலும் சரசாஸ்திரத்தை பற்றி அறிய
வாய்ப்பில்லை, எனவே அக்கிழமையின்படி
அவருக்கு எத்திசையில் ஓடுகின்றது என்பதை
எடுத்து கொள்ளலாம். அவர் உங்கள் வீட்டின்
உள்ளே வரும்போது எந்த காலை முதலில்
வைத்து வருகின்றார் என கவினித்து அதற்கு
எதிர் திசையில் ஓடுவதாக கணிக்கலாம்.
வருபவர் வலதுகாலை முதலடியாக வைத்தால்
அவருக்கு இடதுகலை நடக்கின்றது எனவும்,
இடதுகாலை முதலடியாக வைத்தால்
வலதுகலை நடக்கின்றது என கொள்ள
வேண்டும்.
மேலும் அவர் பேசிய முதல் வார்த்தையை
நன்கு கவனித்து அவ்வார்த்தையில் உள்ள
எழுத்துக்களை எண்ணி, அது ஒற்றை படையாக
அமைந்தால் அவர் இடதுபக்கம் அழுத்தம்
கொடுக்கின்றார் என அர்த்தம், எனவே
அவருக்கு சூரியகலை ஓடுகின்றது என
கணிக்க வேண்டும். இதேபோல் பேசிய
வார்த்தைகளின் எண்ணிக்கை இரட்டைபடை
எனில் வலதுபக்க அழுத்தம் எனக்கொண்டு
அவருக்கு இடதுகலை நடக்கின்றது என
கொள்ளவேண்டும். மேலும் அவர் உங்களுக்கு
முன்பக்கமாகவோ, இடதுபக்கமாகவோ அல்லது
உயரமான இடத்திலிருந்தோ கேட்கின்றாரெனில்
அவருக்கு இடது கலை ஓடுவதாக கொள்ள
வேண்டும். அதேபோல் வந்தவர் உங்களுக்கு
பின்பக்கமாகவோ, வலதுபக்கமாகவோ அல்லது
உங்களைவிட தாழ்வான இடத்தில் இருந்து
கேட்டால் அவருக்கு வலதுகலை நடப்பதாக
எடுத்துக் கொள்ள வேண்டும். இதை சரியாக
புரிந்து கொண்டு பறவை, மிருகம்,. என
அனைத்தும் அருகிலிருந்தாலும் சரி
தூரத்திலிருந்தாலும் சரி அவருக்கு ஓடும்
மூச்சானது உங்களுக்கு தெரிந்துவிடும்